نظام رجيم خفيف وسهل

برنامج رجيم خفيف وسهل من تصميم
(ريجيمxريجيم)

ريجيم x ريجيم

ملاحظات برنامج الرجيم

1. شرب شاي اخضر بالنعناع مرتين يوميا علي الاقل بين الوجبات يعني مثلا بين الفطار والغدا و الغدا والعشا.
2. شرب زنجبيل بالقرفة او زنجبيل بالليمون او شمر او اي اعشاب وكله بدون سكر طبعا حتي الشاي الاخضر بالنعناع.
3. ناخد كوب ماء عليه عصرة ليمونة (حامض) قبل كل وجبة.
4. المشي نص ساعة يوميا او ما يماثلها تمارين.
5. عدم الاكل والنوم مباشرة.
6. شرب 3 لتر ماء يوميا لان المية مهمة وبتنظف الجسم كويس جدا.
7. التقليل من الملح والسكر قدر الامكان والحد من استخدام الزيوت.
8. الا يتجاوز السكر 3 معالق يوميا ويفضل اقل .

برنامج رجيم خفيف وسهل

----------
الافطار
نصف رغيف اسمر بلدي مع قطعة جبنة لايت أو قريش أو بيضة مسلوقة أو 4 معالق فول مدمس + خضار مثل الخيار الطماطم الجرجير الخس الموجود عندكم مع كوب لبن خالي الدسم
----------------
الغدا
هنبدأ بطبق السلطة وبعده شوربة الخضار ثم خيار من التالي:
1. شاورمة دايت وكوب ارز مسلوق.
2. كوسة دايت بمعدل 5 كوسة او 3 بتنجان او 8 محشي ورق عنب او كرنب او 5 فلفل.
3. أرز بالخضار والفراخ دايت.
4. 5 معالق فول مدمس ونص رغيف اسمر / بلدي.
5. بيض دايت ونص رغيف اسمر او بلدي.
6. ربع فرخة مشوية أو قطعة لحمة مشوية.
7. 5 صوابع كفتة مشوية وكوب صغير ارز مسلوق
8. 1 سمكة مشوية وكوب ارز مسلوق.
9. علبة تونة مصفاة من الزيت مع نصف رغيف بلدي او اسمر
10. مكرونة باللحمة دايت.

طيب ايه الكلام ده كله دايت ياتري ازاي نعمل الاكل ده دايت ؟
شوربة الخضار مكونة من ( 3 بصلة كبيرة بنشوحها في معلقة زيت وبعد كده بنضيف الكوسة
ربع كيلو وكوب فاصوليا خضرا و4 فلفل اخضر و2 ثمرة طماطم وشبت وبقدونس ورشة ملح وفلفل اسود ونضيف ماء ونسيبهم لحد ما يستوي ونضربه في الخلاط ونصفيه لو تحبوا وبالهنا والشفا)

-->

الشاورما دايت

بنجيب ربع صدر فرخة ونقطعها شرايح صغيرة وفلفل اخضر او الوان ونقطعه شرايح وطماطماية شرايح وبصلة

شرايح بنقلب الفراخ مع البصل في طاسة تيفال بدون زيت خااااااااالص وبعد كده بنضيف الطماطم والفلفل وشوية ماء لحد ما يستوي ويا جماله مع شوية رز مسلوق.

محشي دايت

الحشو بيكون عبارة عن كوب صغير ارز ونحط عليه فلفل قطع صغيرة وطماطم قطع صغيرة وجزر وشبت وبقدونس والله مرة حطيت

فاصوليا خضرا ههههههههههه المهم بنحشي الخضار ونحطه في صينية في البوتاجاز ونضيف مية ونسيبه لحد ما يستوي وبعد كده ندخله الفرن عشان يلون الوش بتاعه وبالهنا والشفا.

ارز بالخضار والفراخ دايت

كوب صغير ارز بنحط شوية في طاسة تيفال بدون زيت ونقلبهم كويس لحد ما يبقي لونهم دهبي ونضيف الفراخ المقطعة صغير قوي يفضل ربع صدر

وبعد كده نقلب شوية ونضيف باقي الارز ونضيف فلفل وطماطماية لو تحبوا او مش لازم عشان لونه هيبقي احمر نضيف فلفل وخلاص بقا كفاية وبعد كده نضيف ماء لحد ما يستوي وبالهنا والشفا.

البيض الدايت

2 بيضة ,بصلة وسط ,طماطماية مقطعة صغير

بنحط البصل المقطع صغير في طاسة تيفال ونحمر فيه لحد ما يبقي دهبي

ونضيف الطماطم وممكن فلفل كمان ونحط شوية ماء ونسيبهم شوية وبعد كده نضيف البيض لحد ما يستوي ويارب ميلزقش ولو لزق خفيف مش مشكلة المهم يبقي دايت

الكفتة المشوية

بتكون عبارة عن لحمة مفرومة حمرا وبصلة وبهارات وفلفل اخضر قرن مثلا وبنشويها فوق شواية او في صينية في الفرن يفضل صينية مش بتلزق وهي طبيعي بتنزل دهون منها فمش هتلزق ان شاء الله

المكرونة باللحمة الدايت

عبارة عن كوب صغير مكرونة قطعة لحمة وسط بصلة ومعلقة صلصة

الطريقة هنقطع البصل شرائح رفيعة ونضيف اللحمة المقطعة قطع صغيرة

وقليل من الملح وفلفل اسود ونقلبهم علي النار بدون اي زيوت او دهون لغاية ما البصل ياخد لون خفيف وبعد كده هنزود قليل من الماء ونحط معلقة صلصة ونقلبهم ونضيف ماء

لحد ما اللحمة تستوي ونسلق المكرونة بالطريقة العادية ونضيفها للحمة ونقلبهم ونقدم الطبق مع طبق السلطة وبكده هيكون غدا متكامل وبالهنا والشفا

-------------------------

العشا زبادي لايت وثمرة فاكهة (برتقال، خوخ، 5 فراولة، بطيخ، تفاح، جوافة، شريحة كنتالوب أو شمام )

أو زبادي فقط أو فاكهة فقط

تحياتي لكم ويارب النظام يعجبكم

شكرا

لمعرفه المزيد نرجو مراجعه:

برامج الرجيم - كل رسائل الموقع

تصنيف : انقاص الوزن, برامج رجيم